الحياء الجزء الثانى

علمني مُحمد صلي الله عليه وسلم "
"الحياء" "الجزء التاني"

أهلاً بيكم في حلقة جديدة من سلسلة حلقات علمني مُحمد صلي الله عليه وسلم. النهاردة هنكمل كلامنا عن الحياء. تعالوا نشوف هنتعلم ايه من نبينا النهارده. صلوا عليه

المرة اللي فاتت اتكلمنا عن الحياء. النهاردة هنعرف أنواع الحياء..
*النوع الأول :"حياء الكرم "
سبب النوع ده من الحياء هو كرم النفس. هنحكي موقف للنبي صلي الله عليه وسلم. ف حفل زواج سيدنا النبي بالسيدة زينب. أم سليم جهزت طعام للنبي ف سيدنا أنس أخده للنبي ف النبي عَزم ناس ع الطعام ده ف أكلوا كلهم وبعد م أكلوا طولوا فى الجلسة ف النبي استحي إنه يقولهم امشوا. واستني لغايةأما هما مشيوا من نفسهم. حبيبنا النبي مفيش شخص طلب منه شئ ورفض أو قال له لأ.

*النوع التاني: "حياء الإجلال"
هو حياء بسبب المعرفة بعظمة المُستحيا منه.
مثال : انت طالب والأستاذ حضر ف خجلت من مقامه. طلاب العلم المُخلصين بيستحوا من اللي علمهم وتفَوَق عليهم بالعلم بأنهم يتفلسفوا أو يتطاولوا عليه. . والإنسان إذا كان عنده أدب وحياء لا يتجاوز مع من علَّمهُ.

*النوع الثالث:"حياء العبودية"
حياء العبودية فيه محبة وخوف. حب لله تعالى وخوف منه. طَمَع في رحمة ربنا وخوف من عقابه. خوف بس هيكون معاه يأس. ورجاء بس هيكون معاه تفَلُت. والله عز وجل ممكن يأدِب المُتفلِت.
مثال: في شخص ممكن يبقي عنده ثقة إنه ربنا بيحبه ف يتساهل شويه ف ربنا يحجِبُه عنه ويعلمه. ف لما يعرف غلطه ويتوب بيرجع أكتر أدباً مع الله. علشان ميحسش باليأس ربنا بيفتح عليه ويقربه منه تاني. وكذلك اللي عنده ثقه زيادة بنفسه وقدراته لدرجة إنه ف لحظة من اللحظات ممكن يستغني عن الله. ف ربنا يعاقبه ويحرمه ولما يرجع يتوب ويعتمد ع ربنا ف الأول وبعد كده الأسباب. ربنا يكرمه ويرزقه ويحقق له طلبه. التأديب هو إن الله سبحانه وتعالي يُقلبك من حال إلي حال.

*النوع الرابع :"حياء المرء مع نفسه أو حياء الحشمة"
الإنسان أحياناً بيكون محتاج إنه يغَيَر ملابسه أو يقضي حاجته ف مش من الحياء إنه غيره يشوف عورته.
عن عبدالرحمن بن أبي قراد قال "خرجنا مع رسول الله صلي الله عليه وسلم إلي الخلاء وكان إذا اراد الحاجة أبعَد "
وكان عليه أفضل الصلاة والسلام يغتسل من وراء الحجرات وما رأي أحد عورته قط.
الناس اللي بتسافر المصايف وبينزلوا البحر وبيبقي فيه اختلاط. اخبار الدنيا معاكم ايه

هو ده كان حياء النبي والمؤمن يستحيي والحياء من الإيمان الحياء والإيمان مقترنين ببعض والحياء لايأتي إلا بخير. الحياء من لوازم الإيمان والحياء من الله قال الله تعالي ف الحديث القدسي "ياابن أدم عِظ نفسك فإن اتعظت فعِظ الناس وإلا فاستحى مني" مينفعش تنصح غيرك بحاجة انت مش بتعملها إنصح نفسك الأول وبعد كده إنصح غيرك

بكده نكون خلصنا كلامنا عن الحياء. ولو عايزين تعرفوا أكتر عن النبي صلي الله عليه وسلم وعن خُلُقياته. تابعونا

وكالعادة مش هنوصيكم بالدعاء لينا بظهر الغيب ربنا يجبرنا

#علمني_مًحمد
#عودوا_لمُحمدكم

شوفو باقي المقالات من هنا في مقالات جميلة جدا هتعجبكم
https://symplistey.blogspot.com/

ودى قناة اليوتيوب سبسكرايب لو سمحتم http://bit.ly/2RPCZiN

#بره_الصندوق

#بساطه

تعليقات

مع تميم - يا مدرك الثارات | الشاعر تميم البرغوثي

مع تميم - يا مدرك الثارات | الشاعر تميم البرغوثي يا مُدْرِكَ الثَّارَات ------- يا مُدْرِكَ الثَارَاتِ أَدْرِكْ ثَارَنا وَاحْفَظْ عَلَى أَوْلادِنَا أَخْبَارَنا إذ اعْتَبَرْنَا المَوْتَ ضَيْفَاً زَارَنا قُمْنَا وَقَدَّمْنَا لَهُ أَعْمَارَنا وَمَا اسْتَشَرْنَاهُ وَلا اسْتَشَارَنا نَخْتَارُهُ مِنْ قَبْلِ أَنْ يَخْتَارَنا يَا مُدْرِكَ الثَارَاتِ لا تَرْضَ الدِّيَة في المسجِدِ الأَقْصَى اذْكُر المُصَلِّيَة يَرْمُونَ في وَجْهِ الجُنُودِ الأَحْذِيَة نِعَالُهُم عَلى العِدَى مُسْتَعلِيَة قِسِ المسافاتِ وقُلْ لي كَمْ هِيَه وَكَم عَلَتْ عَلَى الخَبِيثِ نَعلِيَه يُعْجِبُنِي إِذْ يَرْفَعُ الدِّرْعَ لِيَه وَيَنْحَنِي بِرَأسِهِ كي يَحمِيَه ذِي وَحْدَهَا قَصِيدَةٌ مُسْتَوْفِيَة انْظُرْ إِلَيَّ وَانْظُرَنْ عَدُوِّيَه مَن بَينَنَا هَامَتُهُ مُنْحَنِيَة بَعْضُ وَظَائِفِ الدُّرُوعِ مُخْزِيَة يُجبِرُها وَدِرْعُهُ مُسْتَعفِيَة رُبَّ نَجَاةٍ بِالحَيَاةِ مُودِيَة وَمِيتَةٍ لِرَبِّها مُنَجِّيَة وَرُبَّ رَاجٍ رَبَّهُ أَنْ يُعفِيَه يَصُدُّ عَنْ تِلكَ الطَّرِيقِ المُرْدِيَة لكِنْ شَجَاعَاتُ الرِّجَالِ مُع...

قراءة المزيد

بساطة

بحث هذه المدونة الإلكترونية