معلومات عن تصريح السفر الالكتروني الصادر من الجيش

معلومات عن تصريح السفر الالكتروني الصادر من الجيش

الفترة اللي فاتت سمعت عن تصريح السفر الالكتروني بس مكنتش لاقي تفاصيل كتير على الانترنت عن ازاي نطلع التصريح ده وبياخد وقت اد ايه واشيك عليه بعد اد ايه وخلافه
عشان كده اسمحولي اشارككم بتجربتي يمكن حد يستفيد

انا قدمت الطلب امبارح الساعه ٩ بالليل وخدت التصريح النهارده الساعه ٥ مساءا صالح للسفر مرة واحده لمدة شهر!!
والكلام ده وانا قاعد فبيتي
يمكن ناس كتير تعتبر ده عادي بس بالنسبة لأي ذكر مصري ضرب مشوار التجنيد عشان يطلع التصريح ده قبل كده حيبقه عارف اد ايه الموضوع ده انجاز تاريخي في حد ذاته 😄😄

موقع التقديم موجود على بوابة الحكومة الالكترونيه عادي جدا وحتلاقوا شكله فالصور تحت

كل اللي مطلوب منك تسجل بياناتك مظبوطة على السايت وتقدم الطلب
حيطلعلك رقم الطلب بتاعك... انا مستفدتش بيه فحاجه بعد كده بس شلتو معايا احتياطي

بعد كده بتخش تتابع حالة طلبك من نفس الموقع برضه (حتلاقو اللينكات فالصور)

بتدخل فيه رقمك الثلاثي او رقمك العسكري حسب طلبك ورقم بطاقتك وجهة السفر بتاعتك وبيطلعلك بعدها حالة الطلب ده ايه
هو عادة بيبقه حاجه من دول:
-لا مانع من إستخراج تصريح بالإذن للسفر بعد سداد الرسوم المقررة.
-لا مانع من إستخراج تصريح بالإذن للسفر بعد تقديم المستندات المطلوبة.
-برجاء التقدم لادارة التجنيد و التعبئة لمراجعة موقفك وإستخراج تصريح بالإذن للسفر.
-برجاء التقدم لمنطقة التجنيد و التعبئة التابع لها لمراجعة موقفك وإستخراج تصريح بالإذن للسفر

مهم جدا تتابع حالة طلبك خلال ال٢٤ ساعة اللي بعد تقديم الطلب... لو اتاخرت عن كده طلبك بينتهي وبتضطر تقدم عليه تاني

انا قالولي لا مانع من إستخراج تصريح بالإذن للسفر بعد سداد الرسوم المقررة زي ماهو باين فالصورة التانيه
في نفس الصفحة بتلاقي لينك تقدر تدفع منه الرسوم المقرره اونلاين وهي ٦١.٥ جنيه

بعد مادفعتها جتلي رساله اني دفعت الفلوس وان المفروض الطلب يخلص خلال ٧ ايام من تاريخ الدفع وان البيانات حتبان عند موظفين الجوازات خلال ٣٠ دقيقة من وقت الدفع

النهارده الساعه ٥ لقيت رسالة مبعوته عالwhatsapp حتلاقوها في الصورة التالته وفيها نسخة الكترونيه من تصريح السفر بتاعي

الجميل فالموضوع ان مكتوب اني مش محتاج اطبع اساسا نسخة من التصريح وانه حيبان عند ظابط الجوازات وانه لو طلب مني التصريح ممكن اوري له نسخه الكترونيه منه وخلاص

فكده خلاصة الكلام ان التقديم الاونلاين باه شغال بشكل كويس ووفر علينا مرمطة تلت ايام زي ماكان بيحصل قبل كده
وان لازم كل واحد يتاكد من بياناته كويس جدا قبل مايبعتها ومايستسهلش عشان كل حاجه من دول بيستخدموها في حاجه
موبايلك يبقه مظبوط و رقمك العسكري و رقم باسبورك وخلافه

يارب اكون قدرت افيدكم بحاجه بالبوست ده
وسفر سعيد للكل مقدما :)

شوفو باقي المقالات من هنا في مقالات جميلة جدا هتعجبكم
https://symplistey.blogspot.com/

ودى قناة اليوتيوب سبسكرايب لو سمحتم http://bit.ly/2RPCZiN

#بره_الصندوق

#بساطه

تعليقات

مع تميم - يا مدرك الثارات | الشاعر تميم البرغوثي

مع تميم - يا مدرك الثارات | الشاعر تميم البرغوثي يا مُدْرِكَ الثَّارَات ------- يا مُدْرِكَ الثَارَاتِ أَدْرِكْ ثَارَنا وَاحْفَظْ عَلَى أَوْلادِنَا أَخْبَارَنا إذ اعْتَبَرْنَا المَوْتَ ضَيْفَاً زَارَنا قُمْنَا وَقَدَّمْنَا لَهُ أَعْمَارَنا وَمَا اسْتَشَرْنَاهُ وَلا اسْتَشَارَنا نَخْتَارُهُ مِنْ قَبْلِ أَنْ يَخْتَارَنا يَا مُدْرِكَ الثَارَاتِ لا تَرْضَ الدِّيَة في المسجِدِ الأَقْصَى اذْكُر المُصَلِّيَة يَرْمُونَ في وَجْهِ الجُنُودِ الأَحْذِيَة نِعَالُهُم عَلى العِدَى مُسْتَعلِيَة قِسِ المسافاتِ وقُلْ لي كَمْ هِيَه وَكَم عَلَتْ عَلَى الخَبِيثِ نَعلِيَه يُعْجِبُنِي إِذْ يَرْفَعُ الدِّرْعَ لِيَه وَيَنْحَنِي بِرَأسِهِ كي يَحمِيَه ذِي وَحْدَهَا قَصِيدَةٌ مُسْتَوْفِيَة انْظُرْ إِلَيَّ وَانْظُرَنْ عَدُوِّيَه مَن بَينَنَا هَامَتُهُ مُنْحَنِيَة بَعْضُ وَظَائِفِ الدُّرُوعِ مُخْزِيَة يُجبِرُها وَدِرْعُهُ مُسْتَعفِيَة رُبَّ نَجَاةٍ بِالحَيَاةِ مُودِيَة وَمِيتَةٍ لِرَبِّها مُنَجِّيَة وَرُبَّ رَاجٍ رَبَّهُ أَنْ يُعفِيَه يَصُدُّ عَنْ تِلكَ الطَّرِيقِ المُرْدِيَة لكِنْ شَجَاعَاتُ الرِّجَالِ مُع...

قراءة المزيد

بساطة

بحث هذه المدونة الإلكترونية