معلومتين لازم تكون على دراية بيهم ف حياتك .. معلومتين ممكن ينقذو اختك او حياتك انت او أي حد تاني.

معلومتين لازم تكون على دراية بيهم ف حياتك .. معلومتين ممكن ينقذو اختك او حياتك انت او أي حد تاني.
المعلومة الأولى : ظاهرة ف علم النفس اسمها ال bystander effect.
المعلومة التانية: مكملة للأولى و هي عن مبدأ be initiative

1- ال bystander effect او ظاهرة التأثير الجمعي
الظاهرة دي بتقول باختصار أن لما بكون في حد ف موقف يحتاج المساعدة و حواليه ناس كتير، الغالب أن محدش يساعد بأي حاجة .. لأن كل واحد داخليا بيقول لنفسه إشمعنى انا .. طب ما الناس واقفة، و اللي بيعمله العقل ف الوقت ده بيبقى عبارة عن توزيع المسؤلية و اللوم ع الآخرين و محاولة اقناعك بعدم الإحساس بالذنب .. و بالتالي محدش يتحرك.

2- be initiative/productive او كن مبادرا
و هي العادة الأولى في الكتاب العظيم بتاع Seven habits of highly effective people للرائع Steven R. Covey
ألعادة دي باقول انك لازم تعلم نفسك تبدا بالصح او بالخير و متستناش حد عشان يبدا معاك و هتلاقي الناس ساعدتك او ع الأقل ابتدت تتحرك.

و الآتي كام موقف حصلو معايا شخصيا يأكدولي و يأكدولك الكلام ده.
....
الموقف الاول:
بنتين واقفين مع بعض في محطة المترو و واحدة منهم عمالة تصرخ متحرش يا نااااس حد يجيب الحكومة، و الناس رايحة جاية عاطف ف نفسهم جدا - للأمانة انا كمان كنت متأخر ع الشغل و عديتهم بكام متر بس رجعت و قلت لنفسي ما انت كدة كدة بتتأخر 😂- المهم رجعت و زعقت معاه ف الناس ابتدت تقف تتفرج و هنا أحدهم صحي م الغيبوبة و اتدخل معايا و اجتمعنا عليه و خدنا لمكتب الحكومة. ملحوظة: كان مد أيده ع البنت.
....
الموقف التاني:
كلب رجله مكسورة و بتنزف دم و عمال يأن -اللي هي يتألم يعني بس انا مثفف 😂- و كل اللي معدي ذا سيم عاطف .. رحت وقفت و قربت منه لقيته مسالم .. قربت و مسحت الدم لقيت واحد بيدعيلي و بيقولي اساعدك؟ قلتله اه .. و في النهاية كنا أربع شباب اللي جاب حبل و اللي جاب خشب و البي وقف يدور و عملناله جبيرة في الآخر.
....
الموقف الأخير:
و اللي بسببه بكتب ال بوست ده 😃
اتنين سواقين في الحصري في أكتوبر ماسكين شاب كان سائق ملاكي و نازلين فيه ضرب .. و و الله الناس ملفوفة حواليهم ما في حد بيتحرك - ال bystander effect - وقفت زعقت في الناس و ما تحوشو يا جدعان انتو واقفين تتفرجو و بتاع - و توكلت على الله و دخلت أحجز و أنا خايف اكل لي بوكس ولا شلوت 😂 - و الحمد لله لحقنا الشاب و قضينا الخناقة.
......
الناس حرفيا بتبقى واقفة سكرانة .. ف عالم تاني .. محتاجة حد يخرجها من النوم و الغيبوبة ف الوقت ده. ف كن مبادرا #أنت_أمة

#كن_مبادرا #أنت_أمة #علم10 #Bystander_effect

شوفو باقي المقالات من هنا في مقالات جميلة جدا هتعجبكم

https://symplistey.blogspot.com/

ودى قناة اليوتيوب سبسكرايب لو سمحتم http://bit.ly/2RPCZiN

#بره_الصندوق

#بساطه

تعليقات

مع تميم - يا مدرك الثارات | الشاعر تميم البرغوثي

مع تميم - يا مدرك الثارات | الشاعر تميم البرغوثي يا مُدْرِكَ الثَّارَات ------- يا مُدْرِكَ الثَارَاتِ أَدْرِكْ ثَارَنا وَاحْفَظْ عَلَى أَوْلادِنَا أَخْبَارَنا إذ اعْتَبَرْنَا المَوْتَ ضَيْفَاً زَارَنا قُمْنَا وَقَدَّمْنَا لَهُ أَعْمَارَنا وَمَا اسْتَشَرْنَاهُ وَلا اسْتَشَارَنا نَخْتَارُهُ مِنْ قَبْلِ أَنْ يَخْتَارَنا يَا مُدْرِكَ الثَارَاتِ لا تَرْضَ الدِّيَة في المسجِدِ الأَقْصَى اذْكُر المُصَلِّيَة يَرْمُونَ في وَجْهِ الجُنُودِ الأَحْذِيَة نِعَالُهُم عَلى العِدَى مُسْتَعلِيَة قِسِ المسافاتِ وقُلْ لي كَمْ هِيَه وَكَم عَلَتْ عَلَى الخَبِيثِ نَعلِيَه يُعْجِبُنِي إِذْ يَرْفَعُ الدِّرْعَ لِيَه وَيَنْحَنِي بِرَأسِهِ كي يَحمِيَه ذِي وَحْدَهَا قَصِيدَةٌ مُسْتَوْفِيَة انْظُرْ إِلَيَّ وَانْظُرَنْ عَدُوِّيَه مَن بَينَنَا هَامَتُهُ مُنْحَنِيَة بَعْضُ وَظَائِفِ الدُّرُوعِ مُخْزِيَة يُجبِرُها وَدِرْعُهُ مُسْتَعفِيَة رُبَّ نَجَاةٍ بِالحَيَاةِ مُودِيَة وَمِيتَةٍ لِرَبِّها مُنَجِّيَة وَرُبَّ رَاجٍ رَبَّهُ أَنْ يُعفِيَه يَصُدُّ عَنْ تِلكَ الطَّرِيقِ المُرْدِيَة لكِنْ شَجَاعَاتُ الرِّجَالِ مُع...

قراءة المزيد

بساطة

بحث هذه المدونة الإلكترونية