الفرح او ليلة الزفاف تخيلوا وفكروا وافهموا ^

الفرح او ليلة الزفاف تخيلوا وفكروا وافهموا ^_^"

بسم الله صاحب الفضل والمنه ،
بدون اي نقاش او افتراضات ، مفيش واحده هتعرف تعمل فرح بدون موسيقي او فستان اقرب للشرعي او متعملشي ميكب الا ومعاها زوج صاحب عقيده قويه وليست رماديه لا يقبل الا بالصحيح من غير مياعه ،
انا ملتزمه ايوه لكن لو زوجي ملتزم عادي زيي ، كنت هعرف اقنعو احط ميكب ، واشغل اغاني واعمل كل حاجه ،
خلينا واقعيين للحظه احنا كبنات ميولنا ان احنا نبقا زي الباقيين وبنخاف اوي لحسن حد يقول علينا مش عروسه وفرحها مكنشي حلو و و و ...

اعرف اصحاب كتير ليا ملتزمين جدا ويوم فرحها عملت فرح واغاني وميكب "تحت مسمي ميكب خفيف "
برغم انك يا زوجها لو كنت حديت القول معاها ان مفيش كذا كذا يعني مفيش وهيا ملتزمه كانت هتنصاع وتسمع الكلام لان هيا مش هتعرف تجادلك في الحرام والحلال بدال في اصل ديني عندها وطبعا الراجل مش بيعمل كده عشان ميزعلهاش يوم فرحها .

طيب انا لازم اقول انا من البنات اللي كان نفسي اعمل ميكب خفيف وقبل فرحي اتخانقت مع عمرو علي الاغاني وقولتلو ليه نجيب الناس نكدرها باغاني مش عارفاها ومفهاش موسيقي وانت عارف وانا عارفه ان اصحابنا اصلا كلهم ناس عاديين !!

وقتها قالي الحاجه اللي فعلا علقت معايا جدا ، قالي هوا انتي يا ابرار لما بتروحي فرح واحده صاحبتك اوي عشان متزعلهاش ، انتي اصلا بتسمعي اغاني !! قولتلو لا ، قالي بترقصي ؟ قولتلو لا ، قالي بتحطي مكيب وتلبسي سواريه ؟ قولتلو لا ، قالي ومع ذالك بتروحي وتمشي علي نظامهم وتقعدي تسمعي وتشوفي حاجات انتي في الاصل مش بتعمليها ، يعني هما مشوكي علي مزاجهم اللي هوا اصلا غلط ولا يرضي الله ، واحنا لما نقرر نعمل حاجه ترضي الله تبقي انتي خايفه لحسن الناس تيجي متبقاش مبسوطه !! زي ماهما مشوكي علي مزاجهم وتقبلتي عشان بتحبيهم مشيهم علي مزاجك عشان ترضي ربنا واللي مش عايز يجي هيبقا مش جاي عشان هيبقا جاي عشان الفرح ....

بعدها والله متكلمتش في موضوع الاغاني تاني ،

طبعا وجود اهل ملتزمين هوا من العوامل بردو اللي هتقويكي تاخدي خطوه زي ديه .

انا بقول اللهم لك الحمد علي نعمة عمرو انو كان اكتر واحد شجعني علي فستاني برغم ان اقرب المقربين اتريقو عليه لانو كان مجرد قماشه مفهاش اي حاجه وقالولي هاتي حاجه عليه تعملو منظر ، الحمد لله علي نعمة عمرو اني لما روحتلو وقولتلو انا عايزه احط ميكب كل لما اقول لحد يتريق حسسني اني فعلا ملكه واقنعني اني محطتش ، بحمد ربنا علي نعمة عمرو انو جاب الاغاني ديه واصر عليها وفرحني في الفرح لدرجة اني اصلا محستش بالاغاني كانت ايه 😅

بحمد ربنا عليه عشان انا كنت دايما اقل منو في التزامي وفي ديني واوقات كتير كنت ببقا تايهه وبنبعد عن بعض خاصة الفتره اللي قبل الفرح ومع ذالك صبر وكان دافع ليا دايما اني الاقي نفسي مع الله ❤

موزمبيق قلبي ❤😅🙈

تعليقات

مع تميم - يا مدرك الثارات | الشاعر تميم البرغوثي

مع تميم - يا مدرك الثارات | الشاعر تميم البرغوثي يا مُدْرِكَ الثَّارَات ------- يا مُدْرِكَ الثَارَاتِ أَدْرِكْ ثَارَنا وَاحْفَظْ عَلَى أَوْلادِنَا أَخْبَارَنا إذ اعْتَبَرْنَا المَوْتَ ضَيْفَاً زَارَنا قُمْنَا وَقَدَّمْنَا لَهُ أَعْمَارَنا وَمَا اسْتَشَرْنَاهُ وَلا اسْتَشَارَنا نَخْتَارُهُ مِنْ قَبْلِ أَنْ يَخْتَارَنا يَا مُدْرِكَ الثَارَاتِ لا تَرْضَ الدِّيَة في المسجِدِ الأَقْصَى اذْكُر المُصَلِّيَة يَرْمُونَ في وَجْهِ الجُنُودِ الأَحْذِيَة نِعَالُهُم عَلى العِدَى مُسْتَعلِيَة قِسِ المسافاتِ وقُلْ لي كَمْ هِيَه وَكَم عَلَتْ عَلَى الخَبِيثِ نَعلِيَه يُعْجِبُنِي إِذْ يَرْفَعُ الدِّرْعَ لِيَه وَيَنْحَنِي بِرَأسِهِ كي يَحمِيَه ذِي وَحْدَهَا قَصِيدَةٌ مُسْتَوْفِيَة انْظُرْ إِلَيَّ وَانْظُرَنْ عَدُوِّيَه مَن بَينَنَا هَامَتُهُ مُنْحَنِيَة بَعْضُ وَظَائِفِ الدُّرُوعِ مُخْزِيَة يُجبِرُها وَدِرْعُهُ مُسْتَعفِيَة رُبَّ نَجَاةٍ بِالحَيَاةِ مُودِيَة وَمِيتَةٍ لِرَبِّها مُنَجِّيَة وَرُبَّ رَاجٍ رَبَّهُ أَنْ يُعفِيَه يَصُدُّ عَنْ تِلكَ الطَّرِيقِ المُرْدِيَة لكِنْ شَجَاعَاتُ الرِّجَالِ مُع...

قراءة المزيد

بساطة

بحث هذه المدونة الإلكترونية