التخطي إلى المحتوى الرئيسي

أكيد تعرف ماركيز .. ول متعرفهوش فهو واحد من أعظم الناس اللي مسكوا القلم في عمر كوكب الأرض .. الراجل اللي خد نوبل سنة 1982



أكيد تعرف ماركيز .. ول متعرفهوش فهو واحد من أعظم الناس اللي مسكوا القلم في عمر كوكب الأرض .. الراجل اللي خد نوبل سنة 1982.

ماركيز كاتب كولومبي، قضى شهور من عمره فى تأليف روايته "مائة عام من العزلة " وبعد ما خلصها، راح هو ومراته مكتب البريد عشان يبعتوا الرواية للناشر، الفلوس اللي معاه مقضتش .. الفلوس كانت بالظبط تبعت نص الرواية بس .. ماركيز نفسه صرف نظر عن ارسال الرواية ونشرها.. وقال لما تفرج .( قالها بالاسباني)

هو كان معاه آلة كاتبة .. قال انا هرهن الالة الكاتبة .. ومراته كان معاها خاتم جوازها.. (شبكتها يعني) ، صحي من النوم لقاها راحت رهنت الخاتم وبعتت الرواية، الست العظيمة دي اسمها "مارسيداس" وعشان انا استجدعتها فخد اسمها كام "مرسيدس بارشا باردو".

الرواية بعد شهور حققت ايرادات كبيرة جدا واترجمت لأكتر من 20 لغة ، واتباع منها ملايين النسخ ، وكانت السبب أنه ياخد جايزة نوبل.

شفت فيلم اسمه "الخلاص من شاوشانك" طيب شفت فيلم "الميل الاخضر" بتاع توم هانكس .. اهو الفيلمين دول من تأليف كاتب اسمه ستيفن كينج .. ستيفن كينج .. دا يُضنف على أنه أعظم كاتب رعب في التاريخ ..

الراجل دا كتب نص الرواية الاولى ليه واتعقد جاله بلوك رايتر زي كل الكتاب مش قادر يكمل ولا عارف يبدأ منين ولا يروح فين.. مسك اللي كتبه .. وراحوا لامه لمة حلوة.. ورماه في الزبالة .. جات مراته ست جميلة اسمها "تابيثا" .. قرت النص رواية وقالتله والنبي حلوة يا ستيف ( بس بالانجليزي ) .. طيب كملها عشان خاطري ..

وبس يا سيدي .. ثروة ستيفن كينج حوالي 500 مليون دلار.. واسبوعيا بيكسب 40 مليون دولار من عوائد أعماله.. وعمل حيطة كبيرة في فيلته عليها ابطال رواياته وصورة "تابيثا".

هنا بحكي .. عن الست اللي تقف جنب جوزها .. الست الأصيلة اللي تساعده يحقق حلمه . اللي تبقي في ضهره .. كام كاتب عظيم معرفش يحقق حلمه عشان مراته هددته انها هتسيب البيت وتروح بيت ابوها لو مسابش اللي بيعمله وركزه في شغله .. كان ممكن ماركيز يبقي صحفي من ملايين الصحفيين في امريكا اللاتينية .. كان ممكن ستيفن كينج يبقي زمانه شغال عامل في ماكدونالدز.. مع احترامي للباربكيو بتاع ماكدونالدز.

الحقيقة المراة ليها دور عظيم .. بس الواحد عرف ستات ميتخلعوش من الرجلين .. يلا هيروحوا من ربنا فين.. اعرف واحدة كانت بتقولي انت تسيبك من الكتابة وتشتغل دليفري.. دليفري ايه يا بت اللي مبيستحماش انتي .. وانا بعرف اسوق موتوسيكلات اصلا.

بالمناسبة مرات ماركيز من اصل لبناني .. بص ع الصورة .. الست اللي بتمسح مناخير جوزها رزق.

#بهاء_حجازي

تعليقات

إرسال تعليق

المشاركات الشائعة من هذه المدونة

كلمات يا نور العين يا طه الزين

يا نــور العيـــــن يــا طه الزيـــــــن اشفع لى  عنـد الله يا عظيم الاحسان انــت المحبــوب انـت الـمــرغوب انت المقـرب عند الله يا حبيب الرحمـن يــا روح الـروح و داو المـجــــــروح من في جمال رسول الله يا مـراد المنان شــدّتَ الاســـلام عِـبـــتَ الاصنـــــام بلَّغت الخلق شرع الله يا فصيح التبيان يــا سعــد من زار روض الــمختــــــار و اختَارنـا دار الهادي دار في جوار العدنان يــا أبــــا الزهـــرا ء أدركــنــا بـنـــظرة انـت نـور الاكوان روح الارواح بـاب الـفـتـاح مـنـك الـمـحبـة و السماح يـا جميل الاحسان صلي الإله عـلي الأواه مـحـمـد بــن عبــد الله مـا أضاء القمران
إرسال تعليق
قراءة المزيد

تميم البرغوثي | مع تميم - جارة

تميم البرغوثي | مع تميم - جارة كان لنا جارة عراقية وكان لي اربعة عشر عاماً من العمر وكان واسعة العينين يبلغ شعرها حزامها، وكنت اخجل أن أكلمها، وكانوا من أهل بغداد، وقرأت بيت الشعر القائل : والله لو فتشوا قلبي لما وجدوا ... فيه سوى حبهم والله والله فبنيت عليه وقلت: لاحر إن لم يكن بالحب مرتهنا يحرمه وسن المحبوبة الوسنا حتى أنا وأنا من للكمال دنا فدا لجيران درب الأكرمين أنا من ذاكر ما جرى فيه ومن ساهي علقت روحي بنداً في أسنتهم لا تبدأ الحرب إلا وقت هدنتهم جازاهم الله خيراً عن مُعنتهم هم الذين دهتني رؤية ابنتهم فكان سعداً على المدهي والداهي يا محنة الغيد بل يا حل محنتها سهامكم صائبات في أكنتها الظبي يأخذ عنها بعض سنتها غيم على الشمس أو دمع بوجنتها أحلى اجتماع لنيران وأمواه كم أوقع العشق قلباً في وقيعته برخصة الخصر إن ماست رفيعته مكشوفة المقتل البادي منيعته الذنب ذنب الهوي لا ذنب شيعته له الإمامة فهو الآمر الناهي يضيع الصلوات الخمس أبركهم ويلزم الركن والمحراب مشركهم حتى إذا قيل قد فاتوه يدركهم من فوق رقعة شطرنج يحركهم في السود والبيض لاه ليس باللاهي شيخ وما هو من ...
إرسال تعليق
قراءة المزيد

مع تميم - يا مدرك الثارات | الشاعر تميم البرغوثي

مع تميم - يا مدرك الثارات  | الشاعر تميم البرغوثي يا مُدْرِكَ الثَّارَات ------- يا مُدْرِكَ الثَارَاتِ أَدْرِكْ ثَارَنا وَاحْفَظْ عَلَى أَوْلادِنَا أَخْبَارَنا إذ اعْتَبَرْنَا المَوْتَ ضَيْفَاً زَارَنا قُمْنَا وَقَدَّمْنَا لَهُ أَعْمَارَنا وَمَا اسْتَشَرْنَاهُ وَلا اسْتَشَارَنا نَخْتَارُهُ مِنْ قَبْلِ أَنْ يَخْتَارَنا يَا مُدْرِكَ الثَارَاتِ لا تَرْضَ الدِّيَة في المسجِدِ الأَقْصَى اذْكُر المُصَلِّيَة يَرْمُونَ في وَجْهِ الجُنُودِ الأَحْذِيَة نِعَالُهُم عَلى العِدَى مُسْتَعلِيَة قِسِ المسافاتِ وقُلْ لي كَمْ هِيَه وَكَم عَلَتْ عَلَى الخَبِيثِ نَعلِيَه يُعْجِبُنِي إِذْ يَرْفَعُ الدِّرْعَ لِيَه وَيَنْحَنِي بِرَأسِهِ كي يَحمِيَه ذِي وَحْدَهَا قَصِيدَةٌ مُسْتَوْفِيَة انْظُرْ إِلَيَّ وَانْظُرَنْ عَدُوِّيَه مَن بَينَنَا هَامَتُهُ مُنْحَنِيَة بَعْضُ وَظَائِفِ الدُّرُوعِ مُخْزِيَة يُجبِرُها وَدِرْعُهُ مُسْتَعفِيَة رُبَّ نَجَاةٍ بِالحَيَاةِ مُودِيَة وَمِيتَةٍ لِرَبِّها مُنَجِّيَة وَرُبَّ رَاجٍ رَبَّهُ أَنْ يُعفِيَه يَصُدُّ عَنْ تِلكَ الطَّرِيقِ المُرْدِيَة لكِنْ شَجَاعَاتُ الرِّجَالِ مُع...
إرسال تعليق
قراءة المزيد