متردده تلبسى الخمار صح ؟! 💜💕
طيب بصى يـ ست الكل قبل ما نتكلم فى أى شيء لازم نكون متفقين أن الخمار فرض 💜🙈
فرض ؟!😳
اه فرض يـ حبيبتى🌝
صفات الحجاب الشرعى أنه يكون :
ساتر لجميع الجسم ، ميكونش شفاف بحيث ميبينش اللى تحته من الجسم ، يكون واسع فضفاض ميحددش معالم الجسم ، يكون خالى من أى رائحة تفوح منه ،
عن أبي موسى الأشعري قال : قال رسول الله صلى الله عليه وسلم :"أيما امرأة استعطرت فمرت على قوم ليجدوا من ريحها فهي زانية " ، ميكنش شبه لبس الرجال لأن الرسول صلى الله عليه وسلم لعن المتشبهين بالرجال 🚶🏻♂️💜
مترددة تلبسيه ليه بقى ٰ!
خايفة من كلام الناس ؟!
أنتِ هتقابلى ربنا وحدك يـ حبيبتى 💜
"وَكُلُّهُمْ آتِيهِ يَوْمَ الْقِيَامَةِ فَرْدًا " لما ربنا يسألك كنتِ من الكاسيات العاريات ليه ؟ يـ ترى هتقوليله ايه ؟ هتقوليله كنت خايفة من كلام أصحابى وقرايبى !
خايفه تلبسيه وتقلعي؟!
طب البسيه بس وادعى ربنا بالثبات💜
خايفة يبقى شكلك وحش ويبقى مكبرك ومش مبين سنك ؟!
أولًا كده الخمار بيحلى جدًا وبيظهر على الوش براءة غير طبيعية والله 💜😌
ومعلش بقى حتى لو شكله وحش عليكِ فهيتلبس برده معلش أنا غلسة شوية 😆💜
خايفة متتجوزيش ؟!
الجواز ده رزق والخمار طاعة ولا يمكن لطاعة أن تمنع رزق ، والزوج النقى التقى هو اللى هيكون فرحان بيكِ وبخمارك 💞
مش ملتزمة كفاية ؟!
بستغرب جدًا لما بنت تقولى أصل أنا مش ملتزمة كفاية عشان البسه !
الخمار ده خطوة بنقرب بيها لربنا ، فى الحديث القدسى
: عن النبي صلى الله عليه وسلم فيما يرويه عن ربه عز وجل، قال: «إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة» (رواه البخاري) 💞
يعنى ربنا هيقربنا ليه أكتر بعد ما نلبس الخمار ان شاء الله 🌸
الخمار ده حاجة جميلة جدًا والله سترة وعفة كده 😌
وراحة نفسية ملهاش وصف 🙈
متخيلة أنك كل ما تخرجى بخمارك بتاخدى حسنات وأنتِ ماشية !
اه والله 💕😌
بتاخدى ثواب كل بنت شافتك وقلدتك وكل شاب شافك وغض بصره !
قربى من ناس تشجعك على الخمار وتبقى فرحانة وفخورة بيكِي دورى على الصُحبة الصالحة اللى تعينك على طاعة ربنا وتنافسك فى الطاعات 💜
محدش ضامن عمره أبدًا أبدًا الموت قريب منا جميعا ، تُبن قبل فوات الأوان💞
أختمرن💜💕
لـ لـعلّها المُنجيه
تعليقات
إرسال تعليق